La Braña, Canción Tradicional Leonesa, Prensa



	GRUPO FUNDADO EN OCTUBRE DE 1980				La Nuestra Tierra 22/09/2000 Xuasús González


	Nel nuesu país, comu tous sabemos de sobru, tenemos deillos aspeutos culturales estremaos de los dóutros (pese a quien pese), comu son la llingua, la música, los deportes autótonos, y outros muitos. Anque dende l'alministración estatal y autonómica nun mos faen más que perrerías, la tenacidá y la garra de dalgunos llïoneses, y en xeneral, del sentir del nuesu pueblu, lluchando ensin descansu dengún, faen que tolu que ye nuesu, siga siéndolu y nun mos lo roben ou nun desapaeza... ...Una de las formas de facer país, ye apurriendu-y puxu a la música de la nuesa tierra, y de feitu, hay grupos que faen ese llabor, comu La Rueca, Son del Cordel, Plaza Mayor... Ún d'eillos, La Braña, lleva veinte años neste sen, faciendu música llïonesa mui peculiar dende'l puntu vista tradicional, porque meten instrumentos que nun son de la dómina y componen cantares eillos mesmos; ye, en definitiva, música tradicional adaptada a l'autualidá. Si facer música tradicional ye facer país, muitu más si la música cinca alrodiu d'outru tema llïonés. Esta fou la cabeira apuesta del grupu La Braña, que l'añu pasáu fizu salir a la lluz un CD monotemáticu sobru la lluita llïonesa, con lletras (romances) propias qu'ensalzan este deporte y falan de los grandes fitos d'él, y música taimén propia, peru al xeitu antiguu, comu lu fae siempre. Esti discu nun sólu ye prestosu polos romances, sinón que taimén tien un himnu a este deporte (interpretáu pola Banda Municipal d'Astorga y la coral astorgana Excelsior), y amás trae un recorríu pola hestoria del deporte de lluita nel nuesu país, n'homenax a los vencedores del campïonatu provincial, nomandu a tolos campiones pesaos, medios, lixeros y los de branu. La Braña sigue faciendu país.